Dhuna

Asnjehere se kam kuptuar dhunen qofte ajo fizike apo psikologjike. Me irriton sa here qe degjoj per njerez qe perdoret violence kunder tyre, sidomos kur kjo dhune perdoret mbi nje femer.
Para disa ditesh degjova ne pune qe nje nga koleget e mia eshte dhunuar nga eksi i saj. Kjo shoqerohej me kete mashkull prej dy vjetesh. Nga cfare kam degjuar ka qene lidhja e pare serioze. Kur fillova te punoj sebashku me kete gocen, degjoja qe i dashuri i saj sillej mire, ishte i dashur me te. Nuk kisha degjuar qe ai te ishte nga ata te dashur qe sillte buqeta me lule ne pune dhe me nje kartoline qe thoshte "zemer, te dua" Jo, asnje nga keto gjera. Ishte nje lidhje e thjeshte si dy personat vete. Here pas here degjoja qe kolegia ankohej, zihej me te dashurin, nuk fliste per gjysem dite, dhe pastaj pajtohej prape. Këto gjëra s'janë të padëgjuara për asnjërin prej nesh, ndoshta mund të thuhet është diçka normale kur dy njerëz që duhen të kenë edhe mosmarrveshje. Në fund të fundit s'ka lidhje që të shkojë vaj.

Me kalimin e kohës në bisedat e mia me kolegen, dëgjoja një frustrim nga ana e saj, ankimet sa vinin dhe shtoheshin. Madje kisha dëgjuar nga goja e saj që donte të shkëputej nga kjo lidhje me të dashurin e saj. Shpesh herë më thoshte që kam nevojë për një pauzë, për një shkëputje sepse ndjehem sikur po më merret fryma, nuk ndjehem sikur kjo lidhje më mbush si në fillim. Nuk jam gati për martesë, për fëmijë, dhe jetë familjare.

Kur dëgjova këtë ankesë i thashë pse nuk flet me të dashurin tënd. Thuaj që ke nevojë të rrish ca kohë vetëm që të reflektosh mbi këtë lidhje, mbi të ardhmen tënde dhe shume gjëra të tjera.

Ajo vendos që të veprojë kështu por vendimi i saj nuk u mirëprit nga ishi i saj. Sjellja e tij ndryshoi menjëherë. Ai filloi që të bëhej më obsesiv, më kontrollues, merrte pothuajse çdo gjysëm ore për të folur me të në punë, donte të dinte me çdo kusht ku shkonte ajo, me kë shoqërohej, në çfarë ore kthehej nga puna, e shumë të tjera si këto që t'i bëjnë nervat kaçurrel.

Para ca ditësh dëgjova që ai kishte abuzuar mbi të. E kishte rrahur shumë keq vajzën vetëm e vetëm sepse ajo kërkon që të mos jetë më në një lidhje me këtë djalë i cili me shume e lodh, e inatos, e çmend me sjelljen e tij, sesa ta bëjë atë të ndjehet e lumtur dhe e dashuruar.

Si kam kuptuar asnjehere meshkujt posesive dhe qe kerkojne te kene kontroll mbi femren a thua se ajo eshte gjeja e tyre dhe me te mund te bejne ç'të duan? Se kuptoj pse ai duhet të ngreje dorë mbi një femër vetëm e vetëm sepse ajo do të vendosi vetë për të ardhmen e saj, apo si ne rastin ne fjale ndjehet e konsumuar nga kjo lidhje? Asnjë mashkull s'ka të drejtë që të sillet në këtë menyrë edhe nëse një femër e tradhëton, si përket atij që të tregojë burrërrinë në këtë mënyrë. Këta lloj mejshkujsh më bëjnë të vjellë sepse tregon haptazi sa të vegjël dhe sa të pasigurtë janë si krijesa. Meshkuj qaramanë që marrin në telefonë dhe sillen si fëmijë kapriçiozë dhe shprehen me paturpësinë më të madhe që "ti me ke lenduar" "une te dua ty", "ti je jeta ime", "si do ja bej une pa ty" etj etj. Kur degjoj keto shprehje nga keta meshkuj qe as emrin mashkull s'dine ta mbajne siç duhet, me vjen t'ja mbath me vrap nga syte kembet sepse me acarojne ne kulm.